Shillong, Jylliew 12 : U Myntri khynnah ka Ministry of Ports, Shipping bad Waterways Shantanu Thakur ha ka sngi Thohdieng, ula lum ia ka jingalang bishar kam halor ka jingpyntreikam ia ki skhim ka Sorkar Pdeng ha Meghalaya bad pynskhem biang ia ka jingkut jingmut ka Sorkar NDA ban kyntiew ia ka roi ka par ka thain Shatei Lam Mihngi.
Haba kren ha ka State Convention Centre ha Shillong, u Thakur ula ong ba ka jingthmu jong kane ka jingwan jong u ka long ban peit thuh ia ka jingiaid ki kam hapoh ka Jylla.
“Ngi don ha State Convention Centre ha Meghalaya ban sngewthuh ia kiei ki kam kiba la leh ha ki 12 snem bala leit noh hapoh ka Sorkar u Modi. Ngin nang pyntyllun shakhmat ia man ki kam nangne shakhmat” ula ong.
U Myntri ula ban jur ia ka jingpynleit jingmut jong ka Sorkar Pdeng ha ka thain. “Kane kam long satia tang halor ka Meghalaya. U Myntri Rangbah Duh ula aiti lut ban pynroi ia ka thain Shatei Lam Mihngi. Ka Sorkar NDA kala wanrah ia bun ki lad na ka bynta ka thain, bad ngi la iohi ba kala kham kiew ha baroh ki liang” ong u Thakur.
U bynrap ba kane ka jingbishar kam kan btin lynti ia ki rukom plan hadien habud. “Na ki jingtip ba nga ioh, ki kam kila iaid bha. Ngin sa rai mynta ia kaei kaba donkam ban leh nangne. Kane ka Sorkar kan sa shimti ia baroh ki kam ba dang sah bad pynthikna ha kaban leh eiei ia ki” ula ong.
