Shillong, Nohprah 04 : Ka Sorkar Jylla ha ka sngi Nyngkong, kala lum ia ka jingialang shong bishar kam halor ka jingpyntreikam ia ki project bapher bapher da ka kompani NHIDCL.
Ha kane ka jingialang la wan ban iashimbynta da ki Ophisar na baroh ki Tnad ba dei khmih, baroh ki Deputy Commissioner bad khamtam eh baroh ki Contractor ba pyntrei ia ka kam.
Held meeting with officials of @nhidcl, Deputy Commissioners, Departments and contractors to review various ongoing road projects in the state. The contractors have been directed to give their deadline on completion of the projects and resolve any issues in consultation with the… pic.twitter.com/tiMzcMI3Aa
— Conrad K Sangma (@SangmaConrad) December 4, 2023
Napdeng ki project bala shong bishar kam ki kynthup ia ka surok Nongstoin-Wahkaji, Ranikor-Nonghyllam-Maheshkhola-Baghmara, Shillong-Dawki bad ka Western Bypass.
Haba iakren bad ki nongthoh khubor, u Myntri Rangbah Conrad K Sangma ula ong ba ka jingialang kala iakren bniah ia baroh ki project bad kila bthah ia ki contractor ba kin buh noh da ka por ban pyndep ia ki project bapher bapher.
“Ngi la kylli na ki halor ki jingeh ba ki iakynduh. Halor kane, ngi la bthah ia ki Ophisar ba kin leh eiei ia kine ki jingeh. Mynta ngin iai bteng ban peitngor ia ka kam namar kane ka dei ka samoi treikam. Ngim kwah ban shu pynsyrwa kai ia ka por bad kumta, baroh ki project ba kongsan bala pyntrei da ka NHIDCL, ngi la shong bishar kawei hadien hadien” ong u Conrad.
Kane ka jingialangkala neh kumba 3 kynta eiei bad kat kum ka jingong u Myntri Rangbah, ka dei ruh kaba seisoh bad kaba don jingmut bha.
U Myntri Rangbah ula bynrap ba la kyrmen skhem ba ka jingkren kan nang pynbha ia ka jingtreikam jong baroh ki project kiba la pyntrei hapoh ka Jylla.
Ki jingeh bala iatakhuh da ki project bapher bapher ha ki katto katne ki jaka ka dei ka jingbym ioh jaka, katto katne ka dei na ka Forest Clearance bad kiwei kiwei.
