Guwahati, Naitung 04 : Haduh 16.25 lak ngut ki briew kila shah ktah ha ka jigshlei um bad sa 8 ngut ki briew kila duh noh iala ka jingim ha Assam.
Ka jingiap jong ki briew kala kiew sha ka 46 ngut ha ka jingshlei um ha Assam tad haduh ka sngi Palei.
Haduh ba thoh ia ka khubor, haduh 16.25 lak ngut ki briew na ki 2800 tylli ki Shnong jong ki 29 tylli ki District, kila shah ktah ha kane ka jingshlei um.
Ki District kiba shah ktah jur eh ka dei ka Nagaon bad ka Darrangha Central Assam lem bad ka Karimganj ha Barak Valley.
Kane ka dei ka sien kaba ar jong ka jingshlei um ha une u snem ha Assam bad kaba nyngkong kala wan jia ha u bnai Jymmang.
Namar ka jingkiew ka um ha Brahmaputra, ka Sorkar kala bthah ia ki nongshongshnong ka Guwahati ba kin phikir bha.
Ka District ba jur eh ka jingshah ktah ki paidbah ka dei ha Dhubri ha kaba haduh 2,23,210 ngut ki briew kila shah ktah, bud sa ka Darrang kaba la ktah haduh 1,87,738 ngut bad la Lakhimpur kaba kot haduh 1,66,063 ngut.
Kane ka jingshlei um kala pynngam haduh 2800 tylli ki Shnong kiba don ha ki 105 tylli ki Revenue Circle.
Namar kane ka jingjur slap, kiba bun ki jaka them jong ka Jylla Manipur khamtam ha Imphal West bad Imphal East District, kila ngam ha ka jingshlei um.
Ka Sorkar jylla kala pynbna shuti ia baroh ki Ophis Sorkar ha ka sngi Balang katba ki skul kin dang bteng ban khang khyrdep haduh mynta ka sngi Palei.
