Nongpoh, Naitung 09: Ka sor Nongpoh sa shisien ka la mad ia ka jingshlei um harud ka surok bah National Highway 6 hadien ka jingther u lapbah u ba la neh kumba katto katne por ha ka por nohphai sngi u Blei.
Lah ban kdew ruh, ba ki paidbah nongleit nong wan bad kiba ju shong dukan harud kane ka surok bah NH-6 ha sor Nongpoh, ki ju mad ia ka jingeh kaba khraw namar ka jingshlei um na ka jingbym biang ki nala pyntuid um.
Kane ka jingeh kaba khah khah ha sor Nongpoh ka la wan jia tang hadien ka jingpynheh ia u surok NH-6 sha u surok four lane bad ka jingkhein sting jong ka National Highway Authority of India (NHAI) ban shna ia ki nala kiba heh ban tuid ka um.
Ki bor pyniaid district lem bad ka Nongpoh Town Committe kila iakren n aka por sha ka ban shim khia ha ka ban weng ia ki jingeh ba mad da ki paidbah namar ka jingshlei um kaba khah khah ha ka aiom lyuir, hynrei kane ka jingshlei um ka la nang wan jia biang.
