Shillong, Iaiong 04 : Arngut na ki lai ngut kiba donkti ha ka jingpyniap briew ha West Jaintia Hills District ha u snem 2014, kila shah pynngat ha ka hukum set along shirta jingim ha ka Iingkashari District nalor ka hukum siew bai lutksan ba T. 3 lak sha ki bahaiing uba shah pyniap.
Hadien phew snem ban ai ia ka jingbishar kaba hok, ka Iingdorbar District & Session Judge ha ka hukum ba pyn mih ha ka 3 tarik Iaiong, kala pynngat bad hukum set along shirta jingim ia u Salbinal Nongbah bad Belting Tyngkra, kiba dei na ka Shnong Mynkrem bad ka kuna ba mar T.5000 halor ka jingpyniap ia u (L) Prodic Nangbah na Mynkrem myn ha u bnai Jymmang, 2014.
Hynrei, hapdeng jong ka jingiaid ka jingbishar, u Chalbinal Nongbah, uba dei uwei na kiba shah kynnoh donkti, ula khlad noh ha ka 6 tarik Iaiong, 2017.
Ka Iingkashari kala hukum ban siew bai lutksan ba T. 3 lak sha ki bahaiing jong une u lanot ba shah pyniap.
