Shillong Jymmang 18 : U Bah Evanfield Khonglam ula shimti kum u Nongialam ba hakhlieh duh jong ka seng Federation of Khasi Jaintia & Garo People (FKJGP)-Riwar Mihngi Circle.
Ia u bah Evanfield Khonglam la pynskhem kum u President ha ka jingjied nongkitkam thymmai jong ka Circle na ka bynta ka samoi treikam u snem 2023-2026 kaba la long ha ka 16 tarik Jymmang ha Iingdorbar Dong Nenggate, Pynursla.
Nalor u Bah Evanfield, kiwei pat ki nongkitkam ki kynthup ia arngut ki Vice President kata u Bah Teedy A Dkhar bad Augustine Ryngkasi, Bah Eleazer Diengdoh kum u General Secretary, Asst. General secretary – Hilary Khongsdam, Education Secretary – Ialambok Masynting, Sports Secretary – Wallam Jingshai Khongdup, Asst. Sports Secretary – Player Masynting, Organising Secretary – Mac Fairson Dkhar, Asst. Organising Secy- Colington Rynjah, Publicity and Information secretary – Peace maker Binan, Asst. Publicity secy- Herbert Marbaniang, Office Secretary – Leading Star Diengdoh lem bad 5 ngut ki Executive Member.
Ia kine ki Nongkitkam ba thymmai ka Circle la pynskhem da u General Secretary ka FKJGP-Sengkmie Bah Eldie Newton Lyngdoh ha ka jingiadonlang u Senior Vice President Bah Elton C Warjri, Sports Secretary Bah Arkin Khonglam, President ka KSU Pynursla Unit Sanlang Benhanan Diengdoh bad u Rangbah dong ka dong Nenggate Bah Ennocent Khongstia.
