Shillong Iaiong 10: Ka Shooting Association of Meghalaya (SAM) ha ka sngi Saitjaiñ kala jied ia ki nongkitkam kiba thymmai ha kaba u Bah John F Kharshiing ula shah jied kum u President bad u Bah Neil Sootinck kum u General Secretary.
Ki dkhot jong ka SAM kila jied ia ki nongkitkam kiba thymmai naka bynta u snem 2023-2027 ia kaba la wan ban pyniaid da u Bhaba Kalita, ISSF Judge bad Returning officer ba la thung da ka National Rifle Association of India (NRAI) bad u Bah Finely L Pariat, General Secretary Meghalaya State Olympic Association (MSOA) kum u Nongpeit pyrman.
Kiwei kiwei ki Nongkitkam kiba la shah jied ki kynthup ia u Bah Bobby Wahlang bad u Davis nr Marak kum ki Vice President, u Bah Dominic Sutnga kum u Treasurer, u Bah Jeffrey W Sooting kum u Secretary, u Bah Dawaioo Suiam kum u Organizing Secretary, Publicity Secretary u Bah Nicholas JJ Nongkhlaw, Ashok Singhania kum u Assistant Treasurer, Training Secretary u Bah Kupar Blah bad 5 ngut ki Executive Member.
