Shillong, Jymmang 20 : Ka Heh Ophisar IPS Kong Idashisha Nongrang, kala shimti hynne ka sngi Nyngkong, kum ka Director General of Police (DGP) ba thymmai ka Jylla Meghalaya.
Ka kong Nongrang ka dei ka kynthei ba nyngkong eh na ki Ophisar IPS ban khlieh ia ka Tnad Pulit ka Jylla.
Shuwa kane ka jingthungkam, kala shakri kum ka Director General of Civil Defence & Home Guard ha Jylla Meghalaya.
Kane ka Ophisar IPS u snem 1992, kala bujli ia u Dr LR Bishnoi, uba la shongthait noh ha ka 19 tarik Jymmang.
Ka Kong Nongrang kan shakri ha kane ka shuki haduh 2 snem kata naduh ka 20 tarik Jymmang 2024 haduh ka 19 tarik Jymmang, 2026.
