Shillong, Jylliew 30: Ka Deputy Commissioner kaba long ruh ka Chairperson jongka District Tourism Promotion Society (DTPS), East Khasi Hills District, kala pyntip sha ki paidbah ba na ka bynta ka jingshngain, kumta ka long kaba kongsan ban ialam ia ki Tourist Guide haba leit Trekking ban lait na kino kino ki jingjia kiba sngewsih.
Kane ka hukum kala mih hadien ba kala mih ka jingjia ia ka jingkhlad noh jongki 2 ngut ha Sohra ha kine ki khyndiat bnai, kaba nyngkong kadei ka jingkhlad jong u nongjngohkai na ri Hungary bad ka baar kadei ka jingshah pyniap jong u nongkhaii uba na Indore u Raja Raghuvanshi.
Ia ka met u nongngohkai na Hungary u Puskás Zsolt la lap ha ka 10 tarik u Iaiong na lynti rim kaba don ha Shnong Tyrna ia kaba ym ju pyndonkam shuh. Ula iaid Trekking marwei ha ka por ba ula jah.
U Raja bad ka Sonam ruh kila ialam ia u Guide tang haduh Nongriat bad kila ong ba kim donkam shuh namar kila kynmaw ia ka lynti ban leit phai. U Raja ula shah pyniap hynrei lada dei ba don u Guide la lah ban iada ia ka jingim ka jongu.
Hadien katei ka jingkhlad ia kaba ha kaba nyngkong la mutdur ba kadei ba kila jah klep, kumta kiba bun balang kila dawa ba dei ban pynlong kongsan noh ban pyndonkam ia ki Tourist Guide na ka bynta ki nongjngohkai kiba wan sha ka jylla na ka bynta ban leit Trekking.
, East Khasi Hills District, kala pyntip sha ki paidbah ba na ka bynta ka jingshngain, kumta ka long kaba kongsan ban ialam ia ki Tourist Guide haba leit Trekking ban lait na kino kino ki jingjia kiba sngewsih.){kind=link}