-->

Shillong Premier League | Rung ka Langsning sha ka semi phainal

Date:

Share post:

Shillong, Iaiong 29: Ka Langsning FC kala long ka kynhun kaba khatduh ban ioh rung sha ka Semi Final jong ka Shillong Premier League 2023 hadien ka jingpynrem iaka Rangdajied ka jingiakhun ba long hynne ka sngi Nyngkong.

Ka Langsning FC kala pynliem da 6-0 kol ia ka Rangdajied ha ka jingiakhun kaba long ha SSA Stadium, 1st Ground, Polo.

Kane ka jingiakhun ka long kaba kongsan ia ka Langsning ba kan jop khnang ka kan ioh rung sha ka Semi Final hynrei ka Rangdajied ka dei ka kynhun kaba la ioh rung lypa ha ka Semi Final kumta kala pynmih bun ngut da ki nongialehkai ki bym pat da ih bha ha ka kam ialehkai.

Shillong Premier League

U Nelson Rymbai jong ka Langsning ula ioh ia ka Hattrick da kaba thep 3 tylli ki kol ha ka minit kaba 79 bad 2 tylli ki Penalty ha ka minit kaba 57 bad 90’+2, u Kitboklang Pale ula thep ha ka minit kaba 45, u Overkindness Lyngdoh Mawnai ula thep kol ha ka minit kaba 60 bad u Sheen Sohktung ha ka 69 minit.

Shillong Premier League

Mar ia sdang hi ka Langsning kala ialehkai bha da ka jingthrang ban jop ia kane ka jingiakhun hynrei kala ioh thep tang shi kol ha ka kylla step bad ha ka kylla miet kala ioh thep haduh 5 kol.

Ka jingiakhun ha ka sngi Baar kan long hapdeng ka Sawmer SC bad ka Nongthymmai SC ha ka por 3:15 mynsngi bad kine baroh ar tylli ki kynhun kidei kiba la buh ban ioh rung sha ka Semi Final.

Share post:

-->
spot_img

Popular

More like this
Related

Assam | Kynthoh u CM ia jingkren u Gaurav Gagoi | Yn ujor da ka ejahar ba kynshoit briew

Guwahati, Risaw 07: U Myntri Rangbah Assam Himanta Biswa...

Meghalaya’s voter count rises to 23 lakh; Female voters outnumber males

Shillong, Oct 7: Meghalaya's voter base has swelled by...

MSSASA moves SC against TET Rule; Over 10,000 Meghalaya teachers at risk

Shillong, Oct 7: The Meghalaya Sarva Shiksha Abhiyan Schools...

Ka jingma ba rieh ka Radiation | Lap ki stad ba jur ka jingmih lyer bih na ki umpohliew ka Meghalaya

Guwahati, Risaw 07 : Kawei na ki jingtohkit saian...