Shillong, Iaiong 09: Ka Shillong Lajong FC kala pynliem ia ka Nongthymmai SC da 6-3 kol ha ka jingiakhun ha ka Shillong Premier League 2023 kaba la long hynne ka sngi ba-ar ha SSA Stadium, First Ground, Polo.
Mar ia sdang ka jingiakhun, ka Nongthymmai SC kala ialehkai bha bad ha ka minit kaba 11 u Robi Hansda ula thep ia ka kol na ka bynta ka Nongthymmai bad tang hadien ka 8 minit u Nitesh Hazra ula ioh thep ia ka kol ka baar naka bynta ka Nongthymmai haka minit kaba 19 bad ha ka minit kaba 46 u Samborlang Nongbsap ula thep ia ka kol kaba lai na ka bynta ka Nongthymmai.
Watla ka Nongthymmai kala tam da 2-0 hynrei haka minit kaba 26 u Deiborme Tongper ula thep ia ka kol naka bynta ka Lajong bad ula ioh syndon ia ka Hat Trick da kaba thep sa ar tylli ki kol ha ka minit kaba 42 bad 60. Hadien kane u Babysunday Marngar ula ioh thep 2 tylli ki kol ha ka minit kaba 51 bad 90’+2 bad u Shano Tariang ula thep ia ka kol ha ka minit kaba 61.
Kane ka jingiakhun kala long kaba itynnad namar ha ka kylla step ka Nongthymmai kala ioh thep 2 kol bad ka Lajong ruh kala pynphai da kaba thep 2 kol.
Mar ia sdang ka kylla miet ka Nongthymmai kala lah ban tam da kaba thep sa shi kol hynrei ki rang ialehkai ka Lajong kila pynphai kylla da ka thep 4 kol ban pynthikna syndon ban khur ia ka jingjop.
Kane ka jingjop kala pynthikna ia ka SLFC ban don ha ka kyrdan kaba nyngkong jong ka SPL watla ka jingkamai point ka long kaba iakhaid bad ka Rangdajied United FC kaba la ioh 9 point.
Ha ka sngi Balang ka jingiakhun kan long hapdeng ka Sawmer SC pyrshah ia ka Langsning FC ha ka por 3 baje mynsngi.
