Shillong Lber 27: Ka Shillong Lajong FC kala pynrem ia ka Ryntih SC da 3-1 hynne ka sngi, ha ka jingiakhun ha ka Shillong Premier League 2023 kaba la long ha SSA Stadium, First Ground.
Ka jingiakhun kala iakhaid ha ka kylla step da ka jingialehkai bha jong baroh ar tylli ki kynhun, hynrei haka kylla miet ka Lajong kala ioh thep shi kol lyngba u Colinsalmon Lyngdoh ha ka minit kaba 57 bad u Deibormame Tongper ula thep 2 kol ha ka minit kaba 61’ bad ha ka 90’+3.
Katba ka Ryntih kala ioh thep ia ka kol ha ka minit kaba 87 lyngba u Melvin Warjri.
Ka Lajong kala jop ha ka jingiakhun kaba nyngkong da 3-2 pyrshah ia ka Langsning FC katba ka Rynith kala iakhaid 1-1 bad ka Mawlai SC.
Lashai ka sngi ka jingiakhun kan long hapdeng ka Langsning FC pyrshah ia ka Mawlai SC, ha ka por 3 baje mynsngi.
