Shillong, Iaiong 25: Ka Langsning FC hynne ka sngi Palei kala pynrem ia ka Nongthymmai SC da 5-1 ha ka jingiakhun ha ka Shillong Premier League 2023 kaba la long ha SSA Stadium, Polo.
Kane ka jingiakhun ha ka kylla step kala kut ha ka jingiakhaid ha kaba baroh ar tylli ki kynhun kim shym la lah ban thep kol watla kila ioh ia ki kabu.
Hynrei ha ka kylla Miet ka Langsnging, u Sheen Sohktung ula thep ia ka kol kaba nyngkong haka mnit kaba 55 bad ia ka kol ka baar ha ka minit kaba 90’+1, katba u Nelson Rymbai ula ioh thep ha ka 59 minit, u Kitboklang Pale ha ka minit kaba 64 bad u Dawandappura Biam Pathaw ula thep ha ka minit kaba 70.
Katba na ka liang ka Nongthymmai SC ia ka shi kol la ioh thep da u Andyson Lapang ha ka minit kaba 77.
Kane ka jingjop ka Langsning kala pynlong ia ka ban kamai 9 point bad ban ia ryngkat point bad ka Shillong Lajong FC hynrei ka Lajong namat ba kala heh ha ka liang ka jingioh thep kol kala wan ha ka kyrdan kaba lai bad ka Langsning haka kyrdan kaba saw.
Ka Nongthymmai kala kamai tang 3 point bad kam don lad shuh ban ioh rung sha ka Semi Final.
Ka jingiakhun haka sngi Thohdieng kan long hapdeng ka Rangdajied United FC kaba la kamai 15 point bad ka Mawlai SC kaba wan Baar kaba la kamai 13 point bad kine kin iakhun ban iaknieh ban ioh bat ia ka kyrdan kaba nyngkong, kaba ka jingiakhun kan sdang ha ka 3:15 mynsngi.
