Shillong, Risaw 19: Ka Nongrim Hills SC kala iakhaid bad ka Sawmer SC da 1-1 ha ka jingiakhun ha ka OC Blue Shillong Premier League 2024, kaba la long haka nsgi Saitjain ha SSA Stadiu, First Ground, Polo.
U Diego Khyriem ula thep ia ka kol ha ka minit kaba 4 na ka bynta ka Sawmer bad ha ka minit kaba 74 ka Nongrim Hills kala ioh ban pynkhiad noh ha kaba u Rickyson Makdoh ula shut na jngai bha iaka bol ha kaba u Pyrshangbanbha Dkhar ym shim la lah shuh ban iada bad katei ka bol kala leit rung shapoh kol.
U Diego ula ioh thep ia ka kol mar ia sdang ka kylla step, ha kaba ka bol kaba la shut na ka Corner Kick la dei iaka kti jongu nongapkol bad hadien kane kala leit dei ia u dieng kol hynrei ki nongialehkai shadien jong ka Nongrim Hills kim shym la poi pyrkhat ba katei ka bol kala leit poi sha u Diego uba la thep ia katei ka bol shapoh kol.
Ha ka minit kaba 35 u nongap kol ka Nongrim u Urbanity Makhroh ula ioh ban iada iaka bol kaba la shut lyngba ka Freekick ha kaba u Diego ula ioh ban pyndei da ka khlieh hynrei u nongap kol ula ioh ban iada ia katei ka bol ban rung shapoah bad hadien kane hi, u nongap kol ula ioh ban iada biang ia ka bol ban rung shapoh kol kaba la shut najan bha da u Shanmeiaki Warlarpih.
Ha shwa ban kut noh ka kylla step ka Nongrim kala ioh ia ka lad kaba biang bha ha kaba u Bankyrshan Ryndong ula pyndei da ka khongdong nadien ia ka bol ban rung shapoh kol hynrei u nongapkol ka Sawmer ula ioh ban iada ia ka bol bad katei ka bol ka leit poi sha u Babshemphang Kurbah uba la pyndei da ka khlieh ia ka bol hynrei u Pyrshangbanbha ual kem noh da kaba suk ia katei ka bol ban lait ka rung shapoh kol.
U rangapkol ka Nongrim ula iada biang ia ka bol ban rung shapoh kol ha ka minit kaba 82 kaba la shut da u Mebanjop Warjri.
Ka jingiakhun biang ia ka OC Blue SPL 2024 kan long ha ka 23 tarik u Risaw ha ka por 2:30 mynsngi hapdeng ka Nangkiew Irat SC pyrshah ia ka Laitkor SC bad hadien kane, ka Langsning FC kan iakhun pyrshah ia ka Nongthymmai SC ha ka por 5:30 janmiet.
