Shillong, Nailar 05 : U kyrtong ka National People’s Party (NPP) Dr DRL Nonglait ha ka sngi Balang ula ong ba ka jingiaid ialap elekshon jong u kala iaid bha shakhmat bad pynpaw ia ka jingngeit skhem ba un ioh ia ka jingjop da ka jingkyrshan u paidbah.
“Nga la iaid ialap elekshon mynta la 5-6 bnai. Nga la iaid suki bad jai jai bha, hynrei ka jingwan shakhmat u paidbah ka long kaba itynnad bha” ong u Dr Nonglait.
“Nga kyrmen ba ngin kynjoh ia ka thong. Da ka jingkyrshan u paidbah, Ngam don jingartatien ban gin ioh ia ka jingjop” ula ong.
Haba kylli ia ka jingiakhun pyrshah ia kiwei pat ki briew ba bat ia ki kyrdan bapher bapher, ula ong ba ka elekshon hi ka long ia baroh.
“Kane ka dei ka elekshon bad baroh ki lah ban mih iakhun- la ki dei ki nonghikai, ki Ophisar lane mano mano ruh. Ka dei kaba eh bha. Ngam dei ban shu khein sting, hynrei nga thikna ba ngin sa ioh beit ia ka jingjop” ula ong.
Halor ka No Objection Certificate na ka North Eastern Hill University (NEHU), u Dr Nonglait ula iathuh ba ka Executive Council kala dep ban ai jingmynjur ia ka.
“Ia ka NOC lah dep ban pynlait. Ka Executive Council kala shong hynnin ka sngi bad kala shim rai ban ai ia ka jingbit ia nga bad ia uwei pat u kyrtong” ula ong.
 Dr DRL Nonglait ha ka sngi Balang ula ong ba ka jingiaid ialap elekshon jong u kala iaid bha shakhmat bad pynpaw ia ka jingngeit skhem ba un ioh ia ka jingjop da ka jingkyrshan u paidbah.){kind=link}