Shillong, Nailar 24: Ki riew ieid Football naduh 6 baje mynstep kila ieng Line lypa ha Club Golf Link ban ioh thied Ticket.
Watla ki bor pyniaid iaka Durand Cup, kila pyntip baka jingdie Ticket (Offline) kan sdang naduh 2 Nohphaisngi, hynrei la sakhi baka jaka ap Ticket ha Club Golf Link kala dap da smam daki paidbah.
Uwei u samla na Mawphlang ula pynpaw ba ula poi Shillong naduh 5 baje bad wan beit sha Club Golf Link namar um kwah ban duh Ticket.
“Haka Quarter Final, nga bad ki paralok na Mawkyrwat ngi duh Ticket namar ngi slem palat ban thied, mynta ka kynti ngin ap beit haduh da ioh” la ong ki kynhun paralok na Mawkyrwat.
Kiwei ki samla kila pynpaw baka Sorkar ka lah dei ban pynbun ki jaka die Ticket, namar kane kadei kawei napdeng ki jingialehkai Football ba heh tam ha Shillong.
Lah ban kdew baka Semi-Final jong ka Durand Cup 2024 hapdeng ka Shillong Lajong bad ka North East United kan long haka 26 tarik Nailar ha JN Stadium Shillong.
