Shillong, Nailur 13 : Ka Meghalaya SSA Schools Association (MSSASA) kala rai ban sa shim rai shen halor ka rai jong ka Sorkar Jylla ban buh ia ka jingtyrwa ha kaban pynkiew noh ia ka tulop jong ki palat 12541 ngut ki nonghikai SSA hapoh ka Jylla.
Haba kren sha ki lad pathai khubor ha ka sngi Thohdieng, u President ka MSSASA Aristotle C Rymbai ula ong “Ngin sa iashim rai lang ha ka jingialang ban wan jong ka General Executive Council (GEC) ban long la 21 tarik Nailur, halor ka sienjam ba dei ban shim haba iadei bad ki jubab bala ioh pdiang na u Director of School Education & Literacy (DSEL) badState Project Director, Samagra Shiksha Abhiyan (SSA) Swapnil Tembe, ba iadei bad ka jingpynkiew tulop thungkam pura ia ki nonghikai SSA”.
U pyntip ba ka kynhun jong ka MSSASA kala iakynduh ia u Tembe ha ka 10 tarik u Nailur.
“Ha ka jingialang, u (Tembe) la pyntip ia ka synjuk ba ula ioh pdiang ia ka jingbthah na u Commissioner & Secretary ka Tnad Education ban buh shuwa ia mynta ia ka jingtyrwa ban pynkiew tulop” ong u Bah Rymbai.
“Kaba ar, u State Project Director ula pyntip ia ka synjuk bad ka Tnad Education kala tyrwa ban rah sha ka jingialang jong ka Kynhun Myntri ba iadei bad ka jingthungkam pura noh iaki Nonghikai SSA” ula bynrap.
Nalor kane, u Bah Rymbai ula pyntip ba ka synjuk kala buddien bha ia kine ki artylli ki kam bad ka Sorkar hadien ka jingiashong kyllain mungor ba khlem pud, kaba long ha u bnai Naitung 2022.
Kat kum ka jingong jong u, ka synjuk kala pynlong la bun tylli ki jingialang bad ka Sorkar ha ka kyrdan u Symbud Myntri Rangbah bad u Myntri ka Tnad Pule Puthi halor kine ki artylli ki kam.
 ban long la 21 tarik Nailur, halor ka sienjam ba dei ban shim haba iadei bad ki jubab bala ioh pdiang na u Director of School Education & Literacy (DSEL) badState Project Director, Samagra Shiksha Abhiyan (SSA) Swapnil Tembe, ba iadei bad ka jingpynkiew tulop thungkam pura ia ki nonghikai SSA”.){kind=link}