Shillong, K’lyngkot 27 : U Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong, ula pyntip ba ka Sorkar kan sa shim rai noh shen haba iadei bad ka jingpyn long ia ka elekshon Garo Hills Autonomous District Council (GHADC).
“Kyrmen skhem, shen hi phin sa iatip halor kane. Shisien ba ka Sorkar bad ka Kynhun Myntri kila shim rai, phin sa tip” ong u Bah Prestone haba iakren bad ki nongthoh khubor ha ka sngi Ba-ar.
Haba pynshai ia ki jingia antad ba ka Sorkar kan pynjlan ia ka elekshon, u Bah Prestone ula ong “Ka jingkylli ban pynjlan kam mih satia namar ka samoi treikam jong ka GHADC kan kut ha ka 18 tarik Iaiong. Kumta, hashuwa kane, ngi hap ban pynkhreh ia ki jingdonkam baroh na ka bynta ka elekshon”.
Halor ka jingdawa ban pynlong ia ka Special Intensive Revision (SIR) ha ri-lum Garo, u Bah Prestone ula ong ba kane ka hap hapoh ka jingkhmih ka Election Commission. “Lada ngi ioh ia ka jingpynbna, ngi hap ba pyntreikam ia ka bad nga tharai kane ka dei ka lynti kaba sngewdei” ula bynrap.
 Bah Prestone Tynsong, ula pyntip ba ka Sorkar kan sa shim rai noh shen haba iadei bad ka jingpyn long ia ka elekshon Garo Hills Autonomous District Council (GHADC).){kind=link}