Shillong, Iaiong 12 : U Symbud Myntri Rangbah ka Jylla ba khmih ia ka Tnad kam pohiing (Police) Bah Prestone Tynsong hynne ka sngi Balang, ula ong ba ka Sorkar Jylla kan sa pynmih noh shen ia ka jingpynbna thep kam ha ki 1500 tylli ki kam Pulit kiba lait hapoh ka Tnad Pulit.
“Ngin sa pynmih jingpynbna biang sa 1500 tylli ki kam ba lait tang hapoh ka Tnad Pulit marwei” ong u Bah Prestone haba iakren bad ki nongthoh khubor.
Ula ong ba ka jingpynkhreh ia ka jingthungkam kan sa sdang noh shen bad ka Sorkar kan pynthikna ba yn pyndap noh ia kine ki kam ba lait tang hapoh une u snem ba mynta.
Shuwa kane, u Bah Prestone u pyntip ba ka personal interview jong palat 1000 tylli kam ba lait kan sa long ha kine ki 3-4 sngi ban wan.
