Shillong, Naitung 26 : U Symbud Myntri Rangbah ka tnad kam Pohiing (Police) Bah Prestone Tynsong ula pyntip ba u Myntri Rangbah ka Assam bad Meghalaya kin sa iakynduh shen ban pynbteng biang ia ka phase-II jong ka jingiakren pynbeit ia ki 6 tylli ki jaka ba iakajia pud hapdeng ki ar Jylla.
“Halor ka jingpynbteng biang ia ka jingiakren pud, dang shen u CM ka Meghalaya bad CM ka Assam kila iarai ban sa ia shong jingalang biang shuwa ban pynbteng ia ka jingiaken, shuwa ban pynbteng ia ka sorjamin. Shen ngin sa iashong bad ki Regional Committee jong ki ar Jylla ruh kin sa sdang biang ia ki kam” ong u Bah Prestone.
Haba kylli, u Bah Prestone ula ong ba baroh ki Regional Committee kin dang ban pyndep ia ka jinghiar jurip kaba bniah.
“Hooid kila leit jurip ia katto katne ki jaka hynrei ki dang donkam shuh shuh ia ka por ban leit bad hadien ba ki arngut ki CM kila iakynduh, ngin sa tip ia kaei kaba ngi dei ban leh” ula bynrap.
 Bah Prestone Tynsong ula pyntip ba u Myntri Rangbah ka Assam bad Meghalaya kin sa iakynduh shen ban pynbteng biang ia ka phase-II jong ka jingiakren pynbeit ia ki 6 tylli ki jaka ba iakajia pud hapdeng ki ar Jylla.){kind=link}