Shillong, Nohprah 16: Ka tnat Directorate of Horticulture hynne ka sngi ka la ioh ban shalan biang sa kumba 2000 kg (2MT) u Soh Niamtra Khasi lane u Khasi Mandarin na Ardong Phlangwar Organic Producer Co-operative Society Limited South West Khasi Hill, sha ki ri Arab ba kynthup ia ka Doha, Bahrain bad United Arab Emirates.
Meghalaya exports 2 tons of GI tagged Khasi Mandarin in collaboration with @APEDADOC under MoVCDNER scheme to Doha & Bahrain, after the successful trial shipment last week to Dubai.
More power to our farmers!#MOVCDNER @narendramodi @nstomar @AgriGol pic.twitter.com/0j7Dt9xxYx
— Conrad Sangma (@SangmaConrad) December 16, 2022
Lah ban kdew ba ia une u Soh Niamtra ba shalan la thied da ka kompeni na Dubai-ka Lulu Group International, kaba don ka Headquarter ha Abu Dhabi, ka nongbah jong ka Ri United Arab Emirates (UAE).
Kane ka kompeni Lulu Group ka shalan iaki mar ba ka die sha ki 23 tylli ki Ri ba kynthup hapoh ka thain Middle East, Asia, US bad Europe.
Haba kren sha ki lad pathai khubor ka Director ka tnat Horticulture kong D. Sohtun ka la ïathuh ba kane ka dei ka jingshalan sohniamtra kaba ar bad kaba nyngkong ka dei kaba la phah napoh ka shnong Jirang Ri-bhoi district.
Ka kong Sohtun kala ong ba kane ka jinglah biang ban shalan iaki Sohniamtra sha bar ka Ri India ka nang ai mynsiem bad ka nang pynshlur iaki nongrep ka jylla ban nang pynbha bad ban nang pynbun shuh shuh iaka jingpynmih iaki mar rep khamtam ki jait mar rep kiba long kham kyrpang hapoh Meghalaya.
Kala iathuh ruh ba kane ka jinglah ban shalan ia ki Sohniamtra kan plie lad iaki nongrep ban pynithuh iaki mar rep ba kyrpang kiba mih napoh Meghalaya sha baroh kawei ka pyrthei bad kane hi kan kyntiew iaka ioh ka kot ki nongrep jong ka jylla.
