Nongstoin, Naitung 01 : Kawei ka Iing bad kawei ka kali, kila shah tyllep ha ka khyndew kaba twa na u lum hynne ka step sngi Nyngkong ha ka shnong Umlieh, West Khasi Hills.
Kane ka jingjia kala jia ha ka por 6 baje eiei hadien ka jingther u lapbah uba la neh mynta la katto katne sngi.
Kat kum ka khubor Pulit, kane ka Iing ka dei jong u Bah Yor Lyngkhoi bad ka dei ruh ka iing ba dang shu dep shna bad ka bym pat don ba sah briew.
Hajan kane ka Iing, ka don kawei ka maruti van kaba pynieng, kaba don u nombor ML05-E-7050 bad kane ka kali ruh kala shah taplup ha ka khyndew bad pra lyngkhot lyngkhai.
Ki pulit ki iathuh ba ha kane ka jingjia ym shym la don satia kano kano ka jingjia ba sngewsih.
La ong ba ka jingtwa khyndew kala jubor bha haduh ba ka khyndew kala poi sha surok ban khang lynti. Mynta ka Tnad PWD kala pynpoi ia ki JCB ban pynkhuid ia ka khyndew.
