Shillong, Nailur 16: Kawei ka jingjia ka bym lah ban poi pyrkhat kala jia hynne ka step hapoh ka ophis jong u Deputy Commissioner ka West Jaiñtia Hills, Jowai. Kane ka Ophis ha ka sien ba nyngkong, kala shah tuh ha ki riew runar.
Ki baranda jong katei ka ophis kila lyngkrung lyngkrang ha kaba la ot lut ia ki waiar ha shi lynter jong ka Baranda.
La kynnoh ba ki riewsniew kila rah ia ki waiar bording elektrik, LAN Cables, CCTV Cables bad kane ka ophis kam shym la don ia ka bording elektrik haduh ba thoh ia kane ka khubor.
Ki tyllong khubor na ki pukit kila pyntip ba ym lah ban tip mynno la leh ia katei ka kam sniew, namar la shem hynne ka sngi ia katei ka kam bad kawei ruh ka long ba ym pat dep ban pyndait satia ia ki CCTV ha katei ka Ophis treikam.
Nalor kane la kynnoh ruh ba u don tang uwei u nongap ne chowkidar ha katei ka ophis bad ki don bun tylli ki jaka rung shapoh katei ka ophis.
