-->

Shah tuh ka Ophis ka KSU ha WKH | Shah kem 3 ngut ki suba nongtuh

Date:

Share post:

Nongstoin, Nailur 12 : Ka Ophis jong ka Khasi Students Union (KSU), West Khasi Hills, kala shah prong jubor ha ki nong tuh kiba la rong ia bun tylli ki tiar electronics kiba don ha kane ka Ophis.

Ia kane ka kam la lap da uwei u dkhot ka KSU Wanbhakupar L Nonglait ba na Tiehsaw, Nongstoin ha ka 11 tarik Nailur.

Kat kum ka khubor Pulit, u Wanbhakupar ula leit sha ka Ophis ka KSU kaba don ha New Nongstoin, ha ka por 6 baje janmiet bad lap ba ka jingkhang jong ka Ophis, kala shah kyndang bad plie rynghang.

La ong ba ynda ula rung hapoh, ula lap ba kawei ka TV Sony, Inverter Battery, Mobile Phone bad ka Set Top Box nalor ka receipt bad warranty card jong ka TV, kila shah tuh. Mar mar khlem da pynslem, ula leit ban buh da ka ejahar sha ki Pulit ka Nongstoin Police Station.

Ki Pulit kila hiar ban tohkit ia kane ka jingjia bad da ka jingiarap lem jong une u Nongmudui bad ki Dkhot ka seng, ki Pulit kila ioh ban kem ia 3 ngut ki briew kiba suba donkti ha kane ka kam tuh.

Kine ki laingut ki kyrteng u Lamboklang Puwein, u Khrawkupar Nongsiej bad u Stonedingwell Marngar.

Ki Pulit kila ioh ruh ban kurup noh ia kine ki tiar tuh na Siejlieh, bala buhrieh ha ka iing jong uwei na kine ki briew ba shah kem. Ia kine ki briew la ialam tian bishar hakhmat ka Iingkashari bad la thep ia ki hapoh ka Judicial custody.

Share post:

-->
spot_img

Popular

More like this
Related

Vinoo Mankad Trophy  | Lamkhmat u Ankit ia ka Meghalaya ban pynliem ia ka Arunachal 

Shillong, Risaw 13: Ka Meghalaya ka la ioh ba...

Lap ki Pulit ia ka Khynnah 15 snem ba jah na Umpling ha Iing u samla | Shah kem u Samla

Shillong, Risaw 13: Ki pulit ka East Khasi Hills...

SPL 2025 | Nang jam shajan ka Shillong Lajong ban ioh rah biang ia ka nam lahduh

Shillong, Risaw 13: Ka Shillong Lajong ka dang ap...

Ioh pynlong ka Shillong ia ka Tri-Nation Women’s Football Tournament

Shillong, Risaw 13: U Myntri ka tnat Sports and...