Shillong, Nailur 22 : U MLA ka NPP na Umsning Dr Celestine Lyngdoh ula shah thung kum u Chief Whip bad u MLA ka NPP na Mylliem Bah Ronnie V Lyngdoh kum u Dy Chiefwhip ka Sorkar ha Iing Dorbar Thaw Ain ka Jylla.
Ia kane la pyntip da u Commissioner & Secretary ka Assembly Dr Andrew Simon ha ka jingpynbna ba pynmih ha ka sngi Nyngkong.
U Dr Celestine Lyngdoh bad Ronnie V Lyngdoh ki dei napdeng ki 4 ngut ki MLA kiba la wan pyniasoh sha ka NPP, kaba pynkut syndon ia ka jingdon MLA ka Congress ha Iingdorbar Thaw Ain.
