Shillong, Jylliew 21 : U Nongialam ka UDP bad CEM barim Bah Titosstarwell Chyne ula shah thung kum u Nongialam ba thymmai ka Liang Pyrshah hapoh KHADC.
Kat kum ka jingpynbna bala pynmih da u Secretary ka KHADC, la ong ba u Chairman Bah Lamphrang Blah ula ithuh ia u Bah Titos kum u Nongialam ka Liang Pyrshah naduh ka 20 tarik Jylliew.
Shuwa kane, u Bah Titos haba iakren bad ki nongthoh khubor ula pyntip ba ki 12 ngut ki MDC kila tyrwa ia ka kyrteng jong u sha u Chairman ban bat ia ka shuki Nongialam ka Liang Pyrshah.
Ula pyntip ba ka Liang Pyrshah kan iai wanrah ia ki ishu ba iadei bad kam iakajia pud, ka Uniform Civil Code bad kiwei kiwei.
