Shillong, Risaw 11: Kawei ka longkmie haka jingsynran ki katto katne ngut ki riew rangbah kala pyntip ia ka shah thombor ha ki katto katne ngut ki briew ba suba buaid kyiad, haka janmiet 9 tarik mynta u bnai hapoh ka shnong Rait Nongskhen.
Haba kren sha ki lad pathai khubor, kane ka Longkmie kong Sahittina Lawim kala iathuh ba kane ka jingshah thombor kala jia tang namar ba ka tuklar iaka jingiakren sih kren sang bad la ki paralok ha lynti ban leit sha Rait Nongskhen.
Katkum ka jingiathuh kane ka longkmie bad ka video bala ring, kine ki briew kila shoh ruh ia uwei u rangbah hadien ba kila sei ia u na kali
Ka kong Sahittina Lawim kala iathuh ba kine ki briew kiba la suba buaid, kila thmu ban tied ia une u rangbah daki nar ba sei na kali bad daki bilor kyiad.
Ka pyntip ba kala ujor ia kane ka jingjia sha Police Station bad ki Pulit kila kem ia kine ki briew hynrei la ioh jingtip ba kila lait na phatok hynnin ka sngi.
Kala kynnoh ruh ba ki Pulit kila bthah iaka ban iasuk noh namar kine ki briew kidei naka juh ka shnong.
“Nga la ong iaki ba ngam lah ban iasuk tang namar ba ngi dei para shnong namar kine ki briew kila thmu shisha ban shim iaka jingim briew ha kato ka sngi namar kila shoh bad tied khlem da don mynsiem synei shuh” ong la kong Sahittina Iawim.
Haba kylli ka kong Sahittina kala kyntu iaki para longkmie ban ai jingiarap lem iaka bad iaki paralok na kito ki briew khamtam mynta ba kila lait na phatok.
Pule lang ia kane: Hiar u CEM bad World Bank ha Ophis ka Hima Mylliem ban iasyllok halor ka jingkhuid ka Iewduh
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
