spot_img

Shah tep im u khynnah ialehkai boxing ka Arunachal na ka jingtwa khyndew ha Itanagar

Date:

Share post:

Itanagar, Jylliew 20: U nongialehkai boxing na Arunachal Pradesh u ba dang 16 snem rta u la shah tep im na ka jingtwa khyndew hadien ka jingther u ‘lapbah hajan ka nongbah Itanagar ha kane ka step sngi U Blei ba la lah.

Kane ka jingjia ka la jia hapoh ka shnong Sood katba u dang don ha ka lynti ban leit iashim bynta ha ka boxing selection trial ha Itanagar. Ia une u khynnah la tip kyrteng kum u Rage Hilli,u ba dei u nongshong shnong jong ka shnong Keyak ha ka thain sepngi ka Siang district.

U Hilli ha ryngkat uwei pat u paralok jong u, ki dang don ha ka lynti ban leit sha Rajiv Gandhi University ha Rono Hills na Dokum Colony ka ba ha Itanagar da ka thuk thuk ban leit iashim bynta ha ka boxing selection trial hadien ba kane ka jingtwa khyndew ka la wan jia.

Katba u Hilli u la shah tep im, u paralok jong u, u Tai Abu u la lait im da ka said na kane ka jingjia ha ka ba u la ngat ha ka jingmynsaw ka ba malu mala. Hadien la lap ia ka met iap jong utei u khynnah da ki bor pulit ha ryngkat ka jingiarap da ki trai shnong.

Na ka liang u myntri rangbah ka jylla u Pema Khandu u la pynpaw ka jingsngewlem halor kane ka jingkhlad noh jong une u khynnah.

Lyngba ka twitter u Khandu u la ong; “Ka long ka jingsngewsih ka ba khraw halor ka jingduh noh ia une u khynnah u ba dang pule ha ka klas IX bad u ba dang ialeh ban kiew sha ka thong ha ka jingialehkai boxing, bad u ba don ruh ka jingphohsniew ban pyniasoh sha ka tnat shipai jong ka ri. Ka jingsngewlem ka leit sha ki ba haiing hasem jong u.”

Share post:

spot_img
spot_img

Popular

More like this
Related

Thoh ka tnad Transport sha ka PWD ban shna surok thymmai ba poi sha ISBT

Shillong, Nailur 10 : U Symbud Myntri Rangbah ba...

Pynkhreh ka tnad PWD ia ka DPR ban siangrong thymmai ia ki surok ha sor Shillong

Shillong, Nailur 10 : U Symbud Myntri Rangbah ba...

Pynshlur ka Sorkar ia ki Dorbar Shnong ban buh noh la ki jong ki jaka theh niut ha Shnong

Shillong Nailur 10 : Namar ka jingiatakhuh mawsiang ban...

Manipur: Mobile internet, broadband services suspended for 5 days in valley districts

Imphal, Sept 10: The Manipur government has suspended mobile...
spot_img