Guwahati, Risaw 08: Uwei u pulit langrut na ka tnat pulit ka Assam ula shah sospon noh na ka kam namar ka jingshah kynnoh donkti ha kaba thombor ia uwei u rangbah bad ia ka khun jong u ha Slakocha hapoh Dhubri district ka Assam.
Katkum ki khubor la ithuh ia une u pulit bala shah sospon kum u head constable Shiven Sengupta.Une u pulit la kynnoh ba ula thombor ia kitei ki shikpa shikhun ha ka por ka jingleit khynra hapoh kawei ka jaka iew.
Kitei ki arngut ki shikpa shi khun la ong ba kila ngat ha ka jingmynsaw kaba jur hadien katei ka jingshah thombor ha kaba la pynkit noh ia ki shapoh Bongaigaon Civil Hospital na ka bynta ban ioh jingsumar.
