Guwahati, Jymmang 6 : Uwei u pulit u la shah siat ha ki briew kiba la suba ba ki dei ki nongkhaii drok ha ka por ba don ka jingkhynra drok (anti-drug operation) hajan khappud Assam-Manipur ha Cachar district ha ka miet jong ka sngi Ba-ar.
Katkum ki khubor la iathuh ba u la shah siat arsien ha ki gang jong ki nongkhaii drok.
Utei u pulit uba la mynsaw la tip kyrteng kum u Havildar Sharif Hossain Kazi (55) snem ha kaba nyngkong la rah ia u sha Silchar Medical College and Hospital (SMCH).
Katkum ki pulit, kane ka jingjia kala jia ha ki thain Diglang ha Jirighat ha ka por kumba 8 baje eiei mynmiet ha ka por ba dang don ka jingkhynra pyrshah ia u drok.
Haba kren sha ki nongthoh khubor, u Senior Superintendent of Police (SSP) ka Cachar u Sanjib Saikia u la ong, “U la mynsaw na ka jingshah siat haduh ar kuli, uwei na ka kpoh bad uwei pat hapoh jong ka, kaba la pynlong ia u ban mynsaw jur. La rah nyngkong ia u sha SMCH, hynrei ha ka step jong ka sngi Balang la pynkit ia u da ka liengsuin sha Guwahati na ka bynta ban ioh ka sumar ba kham janai”.
U SSP u la ong ba ia katei ka jingkhynra la sdang katkum ki jingtip ba kyrpang shaphang ka jingleit jingwan jong ki nongkhaii drok, kiba la suba ba ki wan na ka jylla Manipur.
Hadien katei ka jingjia, ka video jong utei u havildar uba la mynsaw ka la saphriang ha ki social media, ha kaba la iohi ba u pan jingiarap na ki nongshong shnong ban iakynduh ia ki ophisar jong u.
Ki pulit ki la iathuh ba haduh mynta ym pat shym la ioh kem iano iano ruh, namar ba kitei ki runar ki la phet krad lyngba ka khlaw kaba rben bad lyngba ka inter-state border.Ka jingthwet ka dang iaid shakhmat bad ka jingtohkit kaba kham bniah ka dang iaid shaphrang.
Katto katne ki nongshong shnong ki la kynnoh ba la phah u Kazi ban ïakynduh ïa ki nongdie drug bad um don ha ka uniform, kaba la buh jingkylli halor ka jingpynkhreh ia ka jingkhynra.Hynrei u Saikia u la kyntait ia kitei ki jingkynnoh, da kaba ong ba la pyntreikam ia ka kynhun kaba pura bad ba ki don ki briew kiba phong da ki jain bym don jingthoh kum shi bynta jong ka jingkhynra.
 hajan khappud Assam-Manipur ha Cachar district ha ka miet jong ka sngi Ba-ar.){kind=link}