Dhemaji, K’lyngkot 07 : Uwei u heh pulit barim ula shah siat iap ha uwei pat u pulit sub -inspector hapoh Bhehpara kaba ha Dhemajia district ka Assam hynnin ka sngi Thohdieng.Ia une u lanot la tip kyrteng kum u Amulya Barua katba utei u SI uba donkti udei uba la tip kyrteng kum u Alok Konwar.
U SI Konwar ula leit pyndem noh ialade hadien jong katei ka jingjia.Ia ka daw sha lyndet jong kane ka jingjia ym pat lah ban tip thikna bad ka jingtohkit halor kane ka dang iaid shakhmat.U Alok Konwar u dei uba trei kum u Sub- Inspector hapoh Dibrugarh Police Station.
Katkum ki jingtip la ong ba u Konwar ula mih na Dibrugarh hynnin ka step hadien ka night duty kaba kyrkieh, ula wan poi ha Dhemaji bad siat kumba lai kuli ia u Barua uba la shongthait noh kum u heh pulit na Arunachal Pradesh.
Na ka liang ki pulit ki suba jur ba kane ka jingjia ka lah ban dei na ki daw jong ka jingiakynad shimet.
Ha kaba kum kane ka juh ka jingjia, uwei u pulit langrut ula shah siat iap ha ka 6 tarik u Nohprah ba la dep ha uwei pat u para pulit hapoh Charaideo district ka Assam, ong ka khubor heh pulit.
U Constable Deepak Kakoti u dang shu wan poi hapoh Sonari police station na ka bynta ka duty step hadien ba ula poi sha ka jingiakynad abd uwei pat u para pulit uba kyrteng u Gokul Basumatary.Hadien kane ula sei da ka pistol sorkar bad siat iap ia u, ong ka khubor heh pulit.
