Shillong, 21 : Ki briew ki bym lah ban ithuh, kila rahbor ia u manager jong kawei ka kompani ba shna ia ka jingkieng ha ka thain Karukol Siju jong ka South Garo Hills hadien ka jingwan rung shapoh ka ktem ka kompani ha ka step sngi Balang.
Ki Pulit kila pynlong ia ka jingkhynra kaba jur ha ka thain bad buh ruh ia ki jaka talasi kali ha kylleng ki jaka namar kane ka jingjia.
Kane ka jingjia kala jia ha ka por 1:30 baje mynstep jong ka 20 tarik Lber ha ka por ba ki nongtrei bala ialam dau RK Singh, ki dang iohthiah hala ka jong ka ktem ba don ha ka Shnong Rongdik, Karukol, ka jaka ba shna ia ka jingkieng.
Ki briew bym lah ban ithuh, kila wan rung ha kane ka ktem bad leh myn pan diesel da kaba aidaw ba ka kali kala lut umphniang.
U Nongtrei ula leit kyrsiew ia u Manager jong ka project, uba thiah ha kawei pat ka kamra ia uba la ithuh da u Akilesh ba na Uttar Pradesh ba un mih bad iakren bad kine ki briew. Hynrei u Akilesh u khlem wan phai shuh shala kamra bad kine ki briew ruh kila jah rngai syndon bad u.
Mar syn kyndit bynriew halor kane ka jingjah, ki nongtrei kila pyntip mar mar sha ki Pulit ka Siju Police Station ba kin wad bad leh ia kaba donkam.
Ki Pulit ki suba jur ba kane ka kam ka lah ban dei jong ki kynhun bymman kiba kwah ban dawa pisa na kane ka kompani.
