Nongstoin, Jylliew 23 : Uwei u rangbah bala 59 snem ka rta, ula iap ha ka jingiashoh bad la u jong u kynum, kaba la jia ha ka janmiet sngi U Blei ha ka shnong Mawkhlam, Nongpyndeng, Nongstoin.
Kat kum ka khubor Pulit, une u rangbah ba iap u kyrteng u Silbelius Kharbani. La ong ba ula iap na ka jingiashoh bad la u jong u kynum ba kyrteng u Pranding Nongkhar, uba la 54 snem ka rta.
Kane ka jingjia kala jia ha ka jaka bam phlang jong ki jingri jongdup kaba jngai tang shipda maw na ka iing ba ki sah ha Mawkhlam.
La iathuh ba ka daw ka jingiashoh ka dei namar ka jingshoh u khawiang.
Ki Pulit ka Crime Scene Unit na ka Directorate of Forensic Science, Shillong, kila hiar sha katei ka jaka ban lum ia ki sakhi satar U Bah Pranding Nongkhar ula don mynta ha ka jingtohkit jong ki Pulit.
