Nongstoin, Naiwieng 12 : Uwei u rangbah ba 50 snem, ula shah pyniap hala u jong u paralok hadien ka jingiania kaba jur ha ka Iingsah jong u hynne ka step phyrngap.
Kane ka jingjia kala jia ha ka shnong Rimiar jong ka thain Maweit, West Khasi Hills bad ia une u rangbah ba shah pyniap la tip kyrteng u Bokstar Sohshang ba 50 snem. U briew uba shim ia ka jingim une u rangbah u kyrteng u Piswel Langrim.
Ki Pulit ki pyntip ba u Piswel hadien ba dep pyniap, ula phet krad na katei ka jaka hynrei hadien la ioh ban kem noh da ki Pulit da ka jingiarap ki trai shnong.
Ki Pulit kila register case halor kane ka jingjia bad ka jingtohkit mynta kala iaid shakhmat.
