Nongpoh, Naitung 31: Uwei u briew ba kyrteng u Rafiqul Islam ula shah shoh dusmon ha ka shnong Pyllun, Umiam haduh ba lam sha ka jingkhlad noh na kane ka sla pyrthei.
Ki Pulit ka Umiam Police Station kila ioh jingtip ia kane ka jingjia ha ka por 7:50 janmiet bad la suba jur ba une u briew hadien ba u shah shoh, ula shah mait da u side na ki bynta jong ka khlieh.
Ki Pulit kiba hiar tohkit, kila pynkit ia une u briew ha Holy Cross Hospital, Umsaw hynrei ki doktor kane ka hospital kila pynbna ba ula dep khlad lypa.
Ki Pulit ha ka jingtohkit kila suba jur ia ka jingdonkti jong uwei u briew ban leh ia kane ka kam bymman bad mynta ka jingthwet ia une u briew kala iaid shakhmat.
