Shillong, Jylliew 09 : Kawei ka Longkmie kala shah pyniap bad uwei u rangbah ula shah shoh haduh da mynsaw jur naba shah thombor ha uwei u briew ha ka Shnong Sahshniang kaba hap hapoh ka Raliang Police Station, West Jaintia Hills District.
Kane ka jingjia kala jia hynne ka janmiet Sngi U Blei ha ka por 1 baje nohphai sngi.
Kat kum ka jingiathuh ki Pulit, kane ka Longkmie ba kyrteng ka kong Ailem Bamon, kaba la shah siah da ki kynja tari na ka ryndang.
Ki iathuh ba uwei u rangbah ba kyrteng u Ki Dkhar ula mynsaw ha ka jingthombor une u briew. Ia une u rangbah la pynkit noh sha Civil Hospital Jowai ban ai jingsumar.
Ki Pulit kila register case halor kane ka jingjia bad ka jingtohkit mynta kala iaid shakhmat ban lap bad kem ia une u briew uba leh ia kane ka kam.
