Dispur, Nailar 03 : Kawei ka Kynthei kala shah pyniap dusmon ha 15 mile, kaba don ha khappud ka Meghalaya bad Assam bad ia kane ka metiap la lap hajan ka iingsah jong kane hi ka briew ha 15 mile.
Ia kane ka metiap la lap nyngkong da ki nongshongshnong ka thain kiba la pyntip mar mar sha ki Pulit ka Sonapur Police Station. Ki Pulit kila hiar ban tohkit bad kila pynkit noh ia ka metiap sha hospital ban post mortem.
Ia kane ka briew la tip kyrteng kum ka Rita Boro. Kat kum ka jingiathuh ki trai shnong, ia kane ka briew la iohi khatduh bad uwei u briew uba kyrteng u Hasmat Ali ha ka step sngi Balang.
Ki nongshongshnong kila suba jur ba ia kane ka kam la leh da u Hasmat uba la phet krad na kane ka jaka. Ki Pulit kila pynlong ia ka jingthwet ia u Hasmat bad da ka jingiarap ki Pulit ka Hajo, la ioh ban kem ia une u briew bad ka jingtohkit mynta kala iaid shakhmat.
Pule ruh:Â Pyrshah ka KSU ba pan ki nongshong beain ban pynkylla shnong ia ka Mahadev Khola
