Nongstoin, Iaiong 02 : Uwei u samla Khasi na Nongstoin, ula shah patan sha Langpih bad shah pynshitom be-ain ha ki Pulit ka Assam khlem ka daw bad ka nongrim.
Kat kum ka khubor Pulit, kane ka jingjia kala jia hynnin ka miet 2 tarik Iaiong ha ka por 10 baje eiei bad ia une u samla Khasi la tip kyrteng u Aiborlang Mawlieh.
Ki Pulit ki iathuh ba ha kane ka miet, ka kali jong u Aiborlang kala shah kawang maw ha uwei u Nepali ha ka shnong Mokoibari kaba hap hapoh ka Langpih BOP, katba u dang lum ia u synsar ba u wan kheit na ka jaka rep jong u. Ki iathuh ba une u Nepali ula phet krad na kane ka jaka tang mar syn dep kawang maw.
Ki iathuh ba u Incharge ka Lumpee (Langpih) BOP u Saikia, uba wan poi ha katei ka jaka hapdeng ka jingbuaid jawsheh, ula patan ia u Aiborlang sha Assam BOP bad shoh dusmon ia u da u lathi khlem kano kano ka daw.
Ia u Aiborlang la pyllait noh na Assam BOP ha ka por shiteng miet hadien ka jingpynbor jong ki Heh Pulit na ka Meghalaya BOP.
La kynnoh da ki paid Khasi ba sah ha ka thain ba une u Incharge ka Assam BOP u ju pynibor bha na ka por sha ka por, kaba buh pynmih ia ka jingeh man ka por ia ki riewpaidbah.