Guwahati, K’lyngkot 09 :Katba ki kam lute ki la nangkiew ha ka sorbah Guwahati, uwei u pulit uba dang don hapdeng ka kam ula kylla long u lanot uba dang shen eh na ka jingshah lute ha ki runar niah thuk thuk kiba la knieh syndet ia ka mobile phone na ka kti ka jong u bad phet krad noh.
Kane ka jingjia ka la jia hynnin ka miet sngi U Blei ha ki bynta jong ka karkhana Fatasil Ambari cycle factory katba une u pulit uba don hapdeng ka kam napoh Fatasil Police Station uba kyrteng u Himmat Singh Sarkar u dang pynlong ka jingtalasi hadien ba arngut ki runar kiba la wan da ka thuk thuk kila wan hakhmat ka karkhana bad knieh syndet ia ka mobile phone na ka kti ka jong u.
Ha ka por ba ki bor pulit ka sorbah kila pynjur ia ki jingkhynra halor kiba kum kine ki jingjia, hynrei kane ka jingjia shah lute jong une u pulit ka la pynmih ia ka jingkylli halor ka jingshngain jong ki riew paidbah kumjuh.
Ki jingjia jong ka jingshah jynrat ki jingdeng ksiar bad ka jingshah knieh ki pla pisa jong ki riew paidbah ha ki runar niah thuk thuk kila nangkiew ha ka sorbah.Kane ka jingjia ba dang shen ia une u pulit uba la kylla long u lanot kala pynmih ia ki jingkylli halor ki kam shongshngain hapoh kane ka sorbah.
Ha kawei pat ka jingjia kaba la jia ha ka 6 tarik mynta u bnai sawngut ki runar kila lute na uwei u nongkhaii heh spah ha ki bynta jong ka Barpeta district ka Assam.Kane ka jingjia kala jia hapoh ka dukan Radhe Krishna Hardware ha Kalahbhanga ha ka lynti surok Barpeta.
Ha katei ka janmiet, ka kynhun ki sawngut ki runar kila pynpa da ka pistol bad lute ia ka pisa na utei u nongkhaii.Ha kaba nyngkong kine ki runar kila rung hapoh katei ka dukan hardware ha ka rukom kum ki nongthied bad kyntu ia ka dor ka mur.Hadien kine ki runar kila lute noh kumba 50,000 tyngka na une u nongkhaii ia uba la tip kyrteng kum u Dipankar Saha.
