Shillong, Naitung 14: U President ka seng Hynniewtrep National Youth Movement (HNYM) bah Louis Dohtdong hynne ka sngi Thohdieng, ula shah khot hajir biang ha Lumdiengjri Police Station halor ka jingbyrngem ba un thaw noh da ka kynhun kaikhlaw lada ka sorkar kam lah ban ai jingiada ia ki para doh para snam kiba don ha ki khappud.
Ia kane ka kyntien ban thaw kynhun lehnoh u bah Louis ula kren ha kawei ka jingialang paidbah bala pynlong ban pynrem halor ka jingshah siat iap ki 6 ngut ki Khasi hapoh ka shnong Mukroh ha ki Pulit Assam.
Haba kren sha ki lad pathai khubor u bah Louis ula iathuh ba ki Pulit kila khot hajir ia u bad kila pynngat hapoh ha ka sectoin 505(b)/ 124(A)/ 506/34 IPC.
“Naduh myn shem snem, nga dang shah khot hajir mynta, ngam lah ong eiei namar kata kadei ka kam jong ka Police Department” ong u bah Louis.
U bah Louis ula ong ba kiwei ki dang thombor ia ki paidbah bad ki jaka jong ka jylla, katba ki pulit bad ka sorkar pat ka dang bunkam ban khot hajir ia ki sengbhalang.
“Balei phi shu pynbunkam ialade ban khot hajir ia ngi ki sengbhalang, balei phim lah ban phah ia kita ki briew jong phi ban leit iada lem ia ki paradoh parasnam jong ngi kiba mad jingeh sha ki khappud” ula ong.
Ula ong ba kane ka jingmih ka kyntien ban thaw lehnoh kadei namar ba u sngew bitar ban iohi ba ki paradoh para snam ha ki thain khappud ki shah thombor hynrei naka liang ka sorkar Meghalaya kam shym la lah ban leh eiei ban iada iaki.
 bah Louis Dohtdong hynne ka sngi Thohdieng, ula shah khot hajir biang ha Lumdiengjri Police Station halor ka jingbyrngem ba un thaw noh da ka kynhun kaikhlaw lada ka sorkar kam lah ban ai jingiada ia ki para doh para snam kiba don ha ki khappud.){kind=link}