Shillong, Naitung 13: U Chief Organising Secretary ka Fedeartion of Khasi Jaintia and Garo Peoples (FKJGP) u bah Khrawkupar Nongsiej ula shah khot hajir ha ki pulit, hadien ba ka seng kala pynlong ia ka jingkhynra ha ka thain Polo bad Demseiñiong.
Ki pulit jong ka Rynjah Police kila phah da ka jingthoh sha u Bah Khrawkupar Nongsiej bad kila bthah ba udei bna leit hajir hapoh ka Nongmynsong Police Outpost haka 16 tarik u Naitung ha ka por 1 baje mynsngi.
Ki pulit kila pyntip ba katei ka jingkhot hajir kadei ban ioh ban kylli jingkylli ha kaba iadei bad ki case kiba iadei bad ka Rynjah Police Station.
Kumban shu pynkynmaw dang shen ha ka 8 tarik u Naitung, ka seng FKJGP hapoh ka jingialam u Bah Khrawkupar Nongsiej kala pynlong ia ka jingkhynra ha kaba la iadonlang ki ophisar ka Shillong Municipal Board bad na ka Tnad Labour, Tnad Food & Safety bad ki pulit Enforcement jongka KHADC.
Ha katei ka jingkhynra ia ki dukan jong ki bar jylla la khmih bniah la kila don ia ki Trading License na ka KHADC bad la lap ia kiba bun ki bar jylla kiba khaii pateng kim don ia ki kot ki sla kiba biang bad la lap ruh ba ki don ki dukan kiba la leh ia ka Benami.
Nalor kane la jurip ruh ia ka jinglong jingman jong ki dukan kiba la kylla long ki jaka sah jongki bar jylla bad ki dukan die bam kim shym la don satia iaka jingkhuid jingsuba bad bun na kine ki dukan kila khang khyrdep mar ia sdang ka jingkynra.
 u bah Khrawkupar Nongsiej ula shah khot hajir ha ki pulit, hadien ba ka seng kala pynlong ia ka jingkhynra ha ka thain Polo bad Demseiñiong.){kind=link}