Guwahati, Nailar 24: Ka Directorate General jongka GST Intelligence (DGGI), Guwahati Zonal Unit, kala kem ia u Shiv Kumar Mittal, u trai jongka GM Coke ha Byrnihat, halor ka jingkynnoh ba um shim la siew ia ka khajna kaba palat ia ka T.150 klur.
U Mittal ula shah kem na Tinsukia ha ka janmiet jongka sngi Thohdieng hadien ba ki nongtohkit kila lap ia ki sabut ia ki kot ki sla kiba la shu shna thok. Ki ophisar kila ong ba ula thied ia u Coke na ki katto katne tylli ki karkhana kiba la pyniaid be-ain ha ka jylla Meghalaya bad buhrieh ia ka jingthied lyngba ki kot kiba la shu shna thok kiba la pynmih ha ka kyrteng thok jong ki kompani, kiba bun kiba la rejistar da kaba pyndonkam ia ki kot jong ki briew kiba duk bad ki riewshimet.
Ki tyllong khubor kila iathuh ba u Mittal ula ioh ia ki kot kiba la shu shna thok kaba la palat ia ka T.150 Klur ban buhrieh ia ka jingdie jingthied ban kiar na ka jingsiew ia ka khajna. Ka kyrteng ka jongu kala mih hadien ba kala don ka jingtohkit halor ka jingjur palat ki briew kiba shna thok ia ki kot ki sla, ha kaba la iohkem dang shen mynta u bnai hapoh Guwahati ha kaba 4 ngut ki briew kila shah kem.
U Mittal u don hapoh ka jingshah tohkit ban lap shuh shuh ishaphang kane ka kam be-ain bad ia kiwei kiwei ki briew kiba ioh jingmyntoi na ka jingkhaii be-ain ia u dewiong bad u Coke.
Ka DGGI kala ong ba kane ka jingkem ka pyni shai ba kala nang pynjur ia ka jingkhynra ka jongka pyrshah ia ka jingshna thok ia ki kot ki sla ban kiar ia ka jingsiew khajna bad ia ki kam khaii be-ain hapoh ka thain shatei lammingni.
Ha kine ki 8 bnai kiba la dep, ka Directorate General of GST Intelligence (DGGI), Guwahati Zonal Unit, kala iohkem 11 ngut ki riewshimet kiba la kiar ban siew ia ka khajna GST ha ka jylla Assam, Meghalaya, Nagaland, Arunachal Pradesh bad West Bengal.
Katkum ki tyllong khubor, une uba shah kem ula donkti ha katei ka kynhun kaba la ialam ha kaban shna thok ia ki kot ki sla kaba la palat ia ka T.1,000 klur.
“Kane kadei tang kaba jinglap kaba malu mala. Ka jingtohkit ka jong ngi ka dang ialam ia ngi sha ki kyrteng jong ki briew kiba pawnam. Ngin shim ia ki sienjam kiba khlain bad kiba tyngeh pyrshah ia ki khlieh nongpyniaid bad ki karkhana Coke be-ain kiba treikam ha kylleng ki thain nongkyndong jongka Meghalaya bad Arunachal Pradesh,” la pynpaw ki ophisar.
, Guwahati Zonal Unit, kala kem ia u Shiv Kumar Mittal, u trai jongka GM Coke ha Byrnihat, halor ka jingkynnoh ba um shim la siew ia ka khajna kaba palat ia ka T.150 klur.){kind=link}