Shah kem u samla Pule IIT-Guwahati ba suba donkti bad ka ISIS

Guwahati, Lber 24 : Uwei u samla ba pule 4^th year ka IIT-Guwahati ba kyrteng u Touseef Ali Farooqi, ula shah kem ha ki Pulit halor ka jingsuba ba u don bynta bad pyniasoh ialde bad ka kynhun ISIS.

Ia u Touseef la kem hynnin ka miet bad la pynngat ia u hapoh ki kyndon ba kynthup ia ka 120(B)/121(S)/123 IPC R/w Sec 10/13 UA(P) Act.

Ki Pulit kila ialam tian bisahr ia u hynne ka sngi hapoh ka Iingkashari kaba la aibor ban set ia une u samla pule haduh 10 sngi ha ka Police custody. Ka jingtohkit mynta kala iaid shakhmat.

Ia u Touseef la kem hynnin ka miet hadien ka jingthoh ba u pynmih ha ki rynsan social media ba ong ba ula pyniasoh ialde sha ka kynhun ISIS bad ula jah rngai na campus ka IIT-Guwahati.

Hadien ba leit rung ha kane ka kynhun pyntriem, ula thoh ia ka shithi paidbah ha LinkedIn ba pynpaw ia ki daw halor kane ka rai jong u.

Kat kum ka jingong ki Pulit, ka tnad kala pynmih ia ka hukum ban thwet ia u Touseef uba dei u nongshongshnong ka Zakirnagar, Okhla, New Delhi, ba la lap ia u napoh Haja kaba hap hapoh ka Kamrup District.

U Nongialam ba hakhlieh duh ka ISIS ha India, u Haris Farooqi, ula shah kem lem bad uwei u nongbud jong u ha ka sngi Balang ha ki Pulit ka Assam. La suba ba u Haris ula riehtngen ha Bangladesh bad ula ia ki kam ban khring ia ki samla ka Ri India ba kin rung sha ka ISIS.

U Haris u dei uba donkti hakhmat eh ha kaban pynkhreh ia ki kam ki jam ban pynrung dkhot ha Jharkhand, Delhi, Uttar Pradesh, Madhya Pradesh, Goa, Punjab, Maharashtra bad Karnataka.

U Haris uba dei na Aligarh, Uttar Pradesh, u dei uba la shah thwet bha ha ka kynhun National Investigation Agency (NIA).