Guwahati, Nailur 01: Uwei u rangbah 60 snem rta ula shah kem noh halor ka jingkynnoh donkti ha kaba rahbor bad leh beijot ia kawei ka khynnah kaba dang 14 snem rta ha Cachar district ka Assam.
Ki khubor ki iathuh ba une u briew uba la shah kynnoh donkti ula bteng ban leh khah khah ia kane ka kam pohjait naduh kine ki lai bnai ba la dep.
Ia une u briew la tip kyrteng kum u Joynarayan Goreri la kem noh da ki pulit hadien ka jingujor da u kpa jong katei ka lanot.
Hadien ba la lapdien ia kane ka khynnah la iathuh ba kala shah rahbor noh ha une u briew naduh kine ki lai bnai ba la dep.Ka la kam ruh ba une u briew uba ai da ki dawai pynbuaid bad ialam ia ka sha Cachar.
Naduh katei ka por ba kala jah rngai na ka liang kiba haiing hasem kila leit ban ujor sha ki pulit, hynrei na ka liang ki pulit kila ioh ban pyllait noh ia kane ka khynnah hynnin ka sngi balang na ka iingsah jong utei u briew uba la shah kynnoh donkti.
Ka jingtohkit halor kane ka jingjia kala iaid shakhmat.
