Lap ka Kmie ba ka Khun kala armet
Shillong, Naitung 08 : Uwei u briew ba 38 snem ka rta, ula shah kem halor ka jingkynnoh shongkha jubor ia kawei ka khynnah 15 snem kaba dei ka Khun ruit jong u.
Kat kum ka jingiathuh u Superintendent of Police ka East Khasi Hills, Bah Vivek Syiem, ka Kmie jong kane ka khynnah kala shem ba kane ka Khun kala armet bad haba kylli pyrthew, ka la phla ba une u kpanah ula shongkha jubor ia ka la bun sien.
Ki Pulit kila register ia ka case ha Mawlai Police Station hapoh ki kyndon ka ain POCSO Act bad ia kane ka khynnah la ialam noh sha Ganesh Das Hospital ban phah leh ia ki test.
Ia une u briew la kem da ki Pulit ka Special Cell ka East Khasi Hills na Syad, Umsning, Ri-Bhoi, hadien ka jingphet rieh ban lait ka jingshah kem mynta la bun sngi, ong u Bah Vivek.
Ki Pulit kila pyrshang ban kem ia une u briew naduh bala register ia ka case bad da ka jingtrei shitom ka Special Cell, la ioh ban kem noh ia u.
Kat kum ka jingong u SP, kane ka jingjia ka dang don mynta hapdeng ka jingtohkit. Ia une u briew la pynngat hapoh ki kyndon ka POCSO Act bad ka Bharatiya Nyaya Sanhita (BNS).
