Agartala Nailur 21: U nongshong lengsuin ka IndiGo hynne ka sngi ula shah kem hapoh ka kad lengsuin Agartala Airport halor ka jingkynnoh ba u thmu ban plie iaka jingkhang lane ka Emergency Exit jong ka liengsuin katba ka lengsuin ka dang don ha suin bad halor ka jingkynnoh ba u leh khlem akor iaki nongtrei jong kane ka lengsuin.
Ia une u briew la tip kyrteng da u Biswajit Debnath 41 snem, u ba shong daka liengsuin Guwahati-Agartala IndiGo haka ba ula pyrshang ban plie iaka jingkhang Emergency Exit jong ka liengsuin hashuwa un shah tan noh ha kiwei pat kiba shong ha kane ka liengsuin.
Ia u Biswajit Debnath la kem daki Pulit ka kad lengsuin jong ka Maharaja Bir Bikram Airport ha Agartala.
“Haba kiba shong marjan kila bthah ia u ban shong, u Biswajit ula leh khlem akor pynban ia kine ki briew. Ki para ba iashong lang ha kane ka lengsuin kila kynnoh ba u Biswajit u don haka jingbuiaid Drok” la ong ki Pulit.
