Nongstoiñ, Risaw 27: Ar ngut ki samla Khasi, kiba dei na ka shnong Langpih, ki la shah kem ha ki pulit Assam ha ka janmiet lahsngi u Blei ba ka dep.
Kine ki arngut ki samla ki kyrteng u Bijoy Rynñiaw 24 snem bad u Joynohstat Samakha.
Katkum ki jingtip ba la ïohlum, la ong ba kitei ki samla ki la shah kem katba ki dang ïalam ïa ki masi sha lum.
La ong ruh ba hadien ba ki pulit Assam ki la kem, ki la rah ia kine ki arngut sha Lower Lumpee Border Out Post bad la set ïa ki katto katne por ha katei ka jaka bad mynta ka sngi la rah noh ïa ki sha Guwahati.
