Guwahati, Lber 19: Haduh 4 ngut ki ophisar Assam Civil Service (ACS) hynne ka sngi kila shah wengkam shipor halor ka jingshah kynnoh bamsap haka pyntrei iaki skhim hapoh ka MP Local Area Development Fund (MPLAD).
Ia kane ka hukum la pynmih daka Assam Department of Personnel (Personnel A) naka bynta ban sdang iaka jingtohkit daka tnat.
Na kine ki ophisar ba shah wengkam shipor, la kynthup ruh ia u Sharmistha Borah u ba bat kum u deputy secretary hapoh ka tnat Home and Political department u badei ruh u president ka construction committee.
Kine kiba shah wengkam shipor ki kynthup ruh ia u additional deputy commissioner bad u assistant commissioner jong ka Kamrup Metropolitan u Sukanya Bora bad u Hemanta Kumar Dutta kiba dei ruh ki presidents jong ka construction committee.
Ia u Munindra Bardoloi u ba bat kum u chief executive officer, Zilla Parishad ka Tinsukia ruh la shah wengkam halor ka jingkynnoh donkti haka por ba u bat kum u District Development Commissioner ka Kamrup Metropolitan district.
Katkum ka kaiphod jong ka CM Special Vigilance Cell ka kdew ba ki jingtohkit halor kine ki jingshah kynnoh bamsap ki dang iaid halor ka jingpyntrei iaki skhim jong MP dhaka Rajya Sabha u Ajit Kumar Bhuyan naka bynta u snem 2021-22 and 2022-23.
