Shillong, Iaiong 02 : Ki Pulit ka East Khasi Hills, kila kem ia arngut ki dkhot ka Khasi Students Union (KSU) halor ka jingkynnoh donkti ha ka jingshah bom iap ki arngut ki nongbylla bar jylla ha Ichamati, East Khasi Hills.
Ia kine ki arngut la kem na la ki jong ki Iingsah ha ka miet sngi Nyngkong.
Haba pynthikna ia kane, u Superintendent of Police ka East Khasi Hills Rituraj Ravi ula ong “Ngi la kem ia arngut ki dkhot ka KSU na Sohra hynnin ka miet. Hynrei, ngin nym ai ia ki jingtip ba bniah ia mynta namar ba dang iaid ka jingtohkit”.
Kine ki arngut ki dkhot ka KSU ki dei kiba la tip kyrteng u Sambor Shati ba 26 snem uba dei na Mawlong Sirdarship, Sohra bad u Mesadapbor Skhembil, 26 snem ba na Sohra. Kine baroh arngut ki dei ki dkhot ka KSU South Khasi Hills District.
Ia kine ki arngut la kit sha Sadar Police Station bad yn sa ialam tian bishar ia ki hakhmat ka Iingkashari.
Ha ka 27 tarik Lber, arngut ki nongbylla bar jylla kila shah bomiap ha ka kynhun ki samla ha Ichamati. Kine ki arngut ki kyrteng u Esan Singh bad u Sujit Dutta. Kine baroh arngut ki dei ki nongbylla tih par mawshun. Ia ka met jong ki la lap ha Ichamati bad na Dalda.
Kat kum ka ejahar ki bahaiing hasem jong kine kib iap, kane ka jingjia kalajia hadien ka rally pyrshah CAA ha Ichamati.
 halor ka jingkynnoh donkti ha ka jingshah bom iap ki arngut ki nongbylla bar jylla ha Ichamati, East Khasi Hills.){kind=link}