Shillong Naitung 25: Ki pulit ka West Garo Hills hynne ka sngi kila kem ia ki 18 ngut kiba donkti ha kaban pynklumar ha ka miet sngi nyngkong da kaba ther maw iaka CMO Office ha Tura, kiba kynthup na ka seng sain pyrthei BJP 7 ngut bad 11 ngut na ka seng na ka seng TMC.
Ki 18 ngut kiba la shah kem na ka seng sain pyrthei TMC bad BJP ki kynthup ia u Bartho Ch. Sangma 19 snem ka rta, uba na Dalu, WGH (BJP), u Bregrimseng S. Marak 19 snem na Baghmara, SGH (TMC), u Pangchu R. Sangma 18 snem na Siju, SGH (TMC), u Kimkim K. Sangma 32 snem na Tikrikilla, WGH (TMC), u Lastbirth M Marak 23 snem na Ampati, SWGH (TMC), u Sangra R. Marak 32 snem na Baghmara, SGH (TMC), u Greatster N. Marak 27 snem na Ampati, SWGH (TMC), u Salseng Ch. Momin 28 snem na Araimile, WGH (BJP), u Brendip R. Marak 34 snem na Dalu, WGH (BJP), u Akanrik M. Sangma 21 snem na Araimile, WGH (BJP).
Nalor kane la kem ruh ia u Khuswant M. Sangma 33 snem na Dakopgre, Tura (BJP), u Tengchang D. Sangma 20 snem na Siju, SGH (TMC), u Tengma Ch. Marak 28 snem, na Mahendraganj, SWGH (TMC), u Jaseng Ch. Marak 40 snem na Baghmara, SGH (TMC), u Gamchu R. Sangma 20 snem na Siju, SGH (TMC), u Kebin Ch. Marak 28 snem na Damalgre, SWGH (TMC).
Ki pulit kila kem ruh ia ar ngut ki kynthei kiba dei ki dkhot jongka BJP Mahila Morcha kiba kynthup ia ka Bellina M. Marak 32 snem kaba na Dobasipara, WGH bad ka Dilche Ch. Marak 40 snem na Tura, WGH.
Ki pulit kiba la mynsaw ha ka jinghuri hura ki kynthup ia u Bitching N Marak, Esther R. Marak, Kingstar Ch Momin, Bikram Chettry, Deved R Marak, u Gopbison R Marak, Gracefield K Sangma, Lazarus T Sangma, Cliver B Marak, Mrithon P Sangma bad ka pulit Homeguard kaba la mynsaw kaba la tip kyrteng kum ka Princia S Sangma.
Ki pulit CRPF kiba la mynsaw ki kynthup ia u Shesh Nath, Horel Prasad Tiwari, C. S. Ronald, u Nilesh Rathore, u Ramjee Singh, u Amrit Kandula bad u A.K. Lakhikanta.
Pule lang ia kane: Jingkulmar ha Tura : Ithuh ki Pulit ia ki Nongialam ka Trinamool-BJP ba kynshoit, lah kem haduh 18 ngut
